Gjykata Supreme merr vendimin për Trumpin, lejon përkohësisht vijimin e ndërtimit të sallës së vallëzimit në Shtëpinë e Bardhë 21/08 21:37
Skema e ngjyrave
Madhësia e shkrimit
Meghan Markle duket se po përgatitet të rikthehet në ekran, ndërsa paralelisht ajo dhe Princi Harry raportohet se po planifikojnë të vendosen sërish në Mbretërinë e Bashkuar, rreth gjashtë vjet pas largimit nga detyrat mbretërore.
Sipas informacioneve të publikuara nga The Hollywood Reporter, Markle është në bisedime të avancuara për t’iu bashkuar kastit të sezonit të tretë të serialit të Netflix, “The Gentlemen”, krijuar nga regjisori britanik Guy Ritchie.
Roli i saj thuhet se është aktualisht duke u shkruar dhe ende nuk është bërë publik zyrtarisht. Për këtë arsye, nuk dihet ende se në sa episode do të shfaqet Dukesha e Sussex. Sezoni i dytë i serialit pritet të nisë më 3 shtator.
Sipas raportimeve, Markle dhe Ritchie janë njohur përmes miqve të përbashkët. Gazetarja Bronte Coy ka deklaruar për “Today” të BBC Radio 4 se roli i mundshëm i Meghan mund të ketë luajtur një rol të rëndësishëm në vendimin e çiftit për t’u rikthyer në Britani.
Exclusive: The Hollywood Reporter has learned that Meghan Markle is in advanced discussions to join an existing Netflix TV show that shoots in the U.K. https://t.co/69i7a8x4A6
— The Hollywood Reporter (@THR) August 21, 2026
“Është një pjesë vërtet e madhe e enigmës”, tha Coy, duke shtuar se bëhet fjalë për një rol të rëndësishëm dhe se Meghan është shumë e emocionuar për të.
Markle u bë e njohur ndërkombëtarisht si aktore falë rolit të Rachel Zane në serialin “Suits”, ku luajti për shtatë sezone. Ajo e la aktrimin në vitin 2017, në periudhën e fejesës me Princin Harry, për t’iu përkushtuar rolit të saj si anëtare e familjes mbretërore britanike.
Pas martesës në vitin 2018, Harry dhe Meghan u tërhoqën nga detyrat e tyre si anëtarë aktivë të familjes mbretërore dhe në vitin 2020 u zhvendosën në Kaliforni.
Tashmë, sipas raportimeve të fundit, çifti po përgatitet të kalojë sërish më shumë kohë në Mbretërinë e Bashkuar. Fëmijët e tyre, Princi Archie dhe Princesha Lilibet, thuhet se janë regjistruar në një shkollë britanike, ndërsa familja pritet të jetojë në një rezidencë private jashtë Londrës.
Megjithatë, Harry dhe Meghan pritet të ruajnë edhe banesën e tyre në Kaliforni, si dhe rezidencën e tyre në Portugali. Rikthimi në Britani nuk do të nënkuptonte rikthimin e tyre si anëtarë aktivë të familjes mbretërore.
Top Channel
