Reuters: Trump rrit presionin, paralajmëron Turqinë dhe tetë partnerët e tjerë tregtarë të Iranit 20/08 22:55
Skema e ngjyrave
Madhësia e shkrimit
Të paktën 16 persona mbetën të vdekur dhe më shumë se 30 të tjerë të plagosur si pasojë e një vale sulmesh ruse me raketa, gjatë orëve të para të se enjtës në Kiev dhe në rajonin përreth.
Sulmet vijnë ndërsa Ukraina vazhdon të përballet me mungesë të raketave për mbrojtjen ajrore. Blloqe banimi dhe magazina janë goditur në të gjithë qytetin gjatë natës, ka thënë Shërbimi Shtetëror i Emergjencave të Ukrainës.
Edhe një spital për fëmijë dhe një shkollë janë dëmtuar, kanë njoftuar autoritetet vendase. Presidenti ukrainas, Volodimir Zelensky, ka thënë se vdekjet erdhën si pasojë e mungesës së raketave të mbrojtjes ajrore, furnizime të cilat Kievi zyrtar i siguron nga aleatët perëndimorë.
“Ju bëj thirrje aleatëve tanë, madje u lutem atyre, që të na mundësojnë sisteme për mbrojtje nga raketat me rreze të gjatë veprimi. Sistemet “Patriot” janë idealet për të frenuar këto sulme të përgjakshme të Rusisë”, deklaroi Zelensky.
Ndërkohë, Rumania ka njoftuar të enjten se një dron ka hyrë në territorin e saj përmes kufirit verior me Ukrainën, duke aktivizuar sirenat e alarmit ajror.
Edhe ushtria polake ka njoftuar se kishte nisur “operacione mbrojtëse” për të mbrojtur hapësirën e saj ajrore, duke qenë se vendi ndan një pjesë të kufirit juglindor me Ukrainën.
Top Channel
