Varrezë masive në Zubin Potok? Gërmime në fshatin Kalludër në Kosovë, policia ndalon dy persona
28/07 19:57
Skema e ngjyrave
Madhësia e shkrimit
Pasditen e së martës në Prishtinë, një 26-vjeçar ka humbur jetën në vendin e tij të punës pas rrëzimit të vinçit.
I lënduar nga incidenti ka mbetur edhe një punëtor tjetër në këtë kantier ndërtimi.
Nga Inspektorati i Punës kanë bërë të ditur se vinçi është rrëzuar gjatë procesit të montimit të tij në kantier, derisa njoftuan se do kryhet ekspertiza e nevojshme për të gjetur shkaktarin.
“Sa i përket shkakut të aksidentit, në këtë fazë është ende herët të nxirret një konstatim inspektues, pasi natyra dhe rrethanat e rastit kërkojnë hetime dhe ekspertiza të mëtejshme për të përcaktuar shkakun e saktë të aksidentit, si dhe përgjegjësinë lidhur me zbatimin e masave të sigurisë dhe shëndetit në punë”, thuhet në njoftim.
Ndërkohë, Policia e Kosovës në bashkëpunim me prokurorinë e Prishtinës kanë nisur tashmë hetimet mbi rastin.
“Njësitet policore kanë dalë në vendin e ngjarjes dhe kanë ndërmarrë veprimet e nevojshme. Aktualisht, njësitet relevante policore, në koordinim me prokurorin e shtetit, kanë filluar hetimet për sqarimin e plotë të rrethanave të rastit”, kanë deklaruar nga policia.
Kryetari i Prishtinës, Përparim Rama ka shprehur ngushëllime familjes së 26-vjeçarit që humbi jetën në vendin e punës, e shtoi se siguria në punë duhet të jetë kusht i panegociueshëm.
Vinçi i rrëzuar në punishte është thyer dhe ka rënë mbi çatinë e një shtipe afër, duke shkaktuar dëme të konsiderueshme.
Pronari i shtëpisë ka bërë të ditur se në momentin e incidentit nuk ka pasur asnjë person brenda shtëpisë.
Top Channel
