Sulm me raketa ruse në Kiev, një i vdekur dhe shtatë të plagosur

Sulmet shkaktuan dëme të shumta në ndërtesa dhe automjete, ndërsa disa zjarre shpërthyen në zona të ndryshme të qytetit.

Sipas autoriteteve ukrainase, Forcat Ajrore dhe komanda ushtarake e Kievit lëshuan paralajmërime të njëpasnjëshme për raketa që nga ora 01:20, duke u bërë thirrje banorëve të strehoheshin.

Kryebashkiaku i Kievit, Vitali Klitschko, bëri të ditur se zjarre shpërthyen në një konvikt, një pallat apartamentesh dhe një supermarket. Ai shtoi se të paktën pesë lagje të kryeqytetit u goditën nga sulmet, ndërsa edhe disa ndërtesa dhe depo të tjera pësuan dëmtime.

🇺🇦 🇷🇺Russia fired more than 42 ballistic missiles at Kyiv, the largest ballistic barrage on the capital of the entire war.

-Over 42 Russian ballistic missiles reportedly targeted Kyiv in a single attack, an unprecedented concentration against the city since the invasion began… pic.twitter.com/elQDtMVNue

— Mario Nawfal (@MarioNawfal) July 18, 2026

Ekipet e emergjencës ndërhynë menjëherë për shuarjen e flakëve dhe ndihmën ndaj të plagosurve, ndërsa autoritetet po vijojnë vlerësimin e dëmeve të shkaktuara nga bombardimet.

Rusia ka kryer sulme të vazhdueshme me raketa dhe dronë me rreze të gjatë veprimi ndaj Kievit pothuajse çdo ditë që nga fillimi i pushtimit të Ukrainës në shkurt të vitit 2022.

Sulmi i fundit vjen vetëm një ditë pasi një sulm me dron i ndërmarrë nga Ukraina goditi dy depo të kompanive logjistike në territorin rus, duke shkaktuar të paktën tetë viktima, sipas autoriteteve ruse.

Përshkallëzimi i sulmeve nga të dyja palët tregon se lufta mes Rusisë dhe Ukrainës vijon të mbetet intensive, ndërsa përpjekjet diplomatike për t’i dhënë fund konfliktit ende nuk kanë sjellë rezultate konkrete.

Top Channel