Spanja është kualifikuar në gjysmëfinale pas një ndeshjeje shumë të bukur ndaj Belgjikës, që rezistoi deri në fund, por nuk i rezistoi golit të Merinos në fund, që shënoi për 2-1 dhe tregoi edhe një herë se është njeriu i madh i minutave të fundit.
Spanja që në minutat e para merr kontrollin e lojës, por me pasime horizontale, pa arritur të krijojë menjëherë shanse të mëdha. E para mundësi vjen në të 21-ën, kur Yamal shmanget mirë dhe godet në hyrje të zonës, por një devijim minimal i mohon golin.
Nëntë minuta më vonë do të vinte edhe momenti i golit të parë të kësaj ndeshjeje. Ruiz shfaqet në momentin e duhur pas topit të kthyer nga Courtois dhe tund rrjetën për 1-0. Goli i jep vrull Spanjës dhe në të 35-ën Yamal tenton me goditje dënimi në limitet e zonës, Courtois arrin ta presë me vështirësi për shkak se lojtarët i pengonin pamjen.
Është sërish ylli i Barcelonës, që në të 40-ën bën dy driblime spektakolare dhe më pas tenton goditjen në shtyllën e parë, por topi gjen vetëm rrjetën e jashtme. Kur ndeshja dukej tërësisht në dorën e iberikëve, Belgjika arrin të shënojë.
De Ketelaere shërbehet mirë nga Castagne dhe me kokë tregohet shumë i saktë për të shënuar golin e barazimit. Në pjesën e dytë vijon e njëjta muzikë, me Spanjën që dominon dhe belgët, të cilët përpiqen të dalin shpejt me Doku ose të tentojnë topat e gjatë për Lukakun.
Në të 61-ën dhe 62-ën Yamal bëhet protagonist në dy raste, por sërish Courtois tregohet vendimtar. Me kalimin e minutave Spanja e rrit presionin me dëshirën për ta mbyllur këtë ndeshje brenda 90 minutave. Për ta arritur këtë qëllim, De La Fuente nxjerr “asin nën mëngë”, duke aktivizuar Mikel Merinon në vend të Olmos.
Në të 88-ën mesfushori përfiton nga një top i kthyer i Lammens, i cili zëvendësoi Courtois i dëmtuar, për të tundur rrjetën me një gjuajtje të fortë nga pranë portës. Në fund, Spanja vuan, por fiton dhe tashmë është fakt që do të kemi një gjysmëfinale ëndrrash Francë-Spanjë.
REZULTATI LIVE
Spanjë-Belgjikë 2-1
Ruiz 30′, Merino 88’/ De Ketelaere 41′
NGJARJET KRYESORE
90+7′ Mbyllet ndeshja, Spanja kalon në gjysmëfinale.
88’ Goool Spanja 2-1/ Është i njëjti autor, njeriu i minutave të fundit, Mikel Merino, i ciliështë në vendin e duhur në një top të ktheyr dhe tund rrjetën për 2-1. (Video)
71’ Thibaut Courtois shfaq probleme muskulore dhe i duhet të zëvendësohet. Teksa lë fushën në lot, vendin e tij e zë Lammens.
62’ Yamal arrin të japë një pasim të saktë për Porron, që gjuan në pozicion të prirët, por gjen sërish Courtois.
61’ Yamal tenton me një kthesë të fortë nga e majta, Courtois arrin të zgjatet dhe të evitojë golin.
54’ Tregohet e rrezikshme Belgjika me një goditje të fortë në zonë, por pak centimetra i mohojnë golin Vaneken.
46′ Nis fraksioni i dytë, kjo betejë kërkon një fitues.
45+5′ Mbyllet pjesa e parë me rezultatin 1-1.
41’ Goool Belgjika 1-1/ De Ketelaere shërbehet mirë nga Castagne dhe me kokë tregohet shumë i saktë për të shënuar golin e barazimit. (Video)
40’ Yamal bën dy driblime spektakolare dhe më pas tenton goditjen në shtyllën e parë, por topi gjen vetëm rrjetën e jashtme.
36’ Për të kuptuar sesa e paparashikueshme është loja e Spanjës mjafton të themi se gjyqtari Oliver në një moment u përplas me Olmon, i cili i kaloi topin, por nuk arriti ta driblojë, pasi pësoi atë “faull” të pazakontë.
35’ Yamal tenton me goditje dënimi në limitet e zonës, Courtois arrin ta presë me vështirësi për shkak se lojtarët i pengonin pamjen.
30’ Goool Spanja/ Ruiz shfaqet në momentin e duhur pas topit të kthyer nga Courtois dhe tund rrjetën për 1-0. (Video)
21’ Shansi i parë i madh vjen në këtë moment të lojës, me Yamal, që godet mjaft mirë nga jashtë zonës, por një devijim minimal i mohon golin.
16’ Spanja dominon lojën në çdo aspekt, mban topin dhe nuk e lë Belgjikën të avancojë thuajse në asnjë moment. Nga ana tjetër, heziton në sulm dhe duket sikur pret momentin perfekt.
1′ Nis ndeshja, luhet për gjysmëfinalen e parë.
FORMACIONET ZYRTARE
Spanja (4-2-3-1): Simon; Porro, Cubarsi, Laporte, Cucurrella; Rodri, Ruiz; Yamal, Olmo, Baena; Oyarzabal; Trajner: L. De La Fuente;
Belgjika (4-2-3-1): Courtois; De Cuyper, Mechele, Ngoy, Castagne; Raskin, Vaneken; Doku, De Bruyne, Trossard, De Ketelaere; Trajner: R. Garcia;
Top Channel
