Britania ndalon rrjetet sociale për nën 16-vjeçarët, Starmer: Masa për sigurinë e fëmijëve

Sipas deklaratës së bërë në Downing Street, Starmer tha se mediat sociale po ndikojnë negativisht tek të rinjtë, duke rritur rastet e ngacmimit online dhe duke dëmtuar mirëqenien e tyre psikologjike.

“Mediat sociale i bëjnë fëmijët të pakënaqur, ua bëjnë më të lehtë ngacmuesve t’i abuzojnë dhe mund të dëmtojnë shëndetin e tyre mendor,” u shpreh ai, duke theksuar se masa e propozuar shkon edhe më tej se rregulloret ekzistuese në vende të tjera.

🚨 WATCH: Keir Starmer says under-16s in the UK may get around his social media ban

"But we don't say, 'oh look, a teenager managed to get a drink somehow' – let's not bother banning alcohol sales to children" pic.twitter.com/EHI3wyF36U

— Politics UK (@PolitlcsUK) June 15, 2026

Plani parashikon ndalimin e përdorimit të platformave kryesore të rrjeteve sociale për nën-16-vjeçarët, si dhe kufizime të reja për aplikacionet dhe shërbimet online, përfshirë reduktimin e mundësisë për komunikim me persona të panjohur në disa platforma digjitale.

Starmer theksoi se, pavarësisht kostove dhe sfidave, qeveria beson se vendimi është i domosdoshëm. “Qeverisja ka të bëjë me zgjedhje, dhe për mua është e qartë se ky është vendimi i duhur,” tha ai.

Ai shtoi se ligji do të trajtohet si pjesë e një ndryshimi më të gjerë shoqëror, duke synuar të rrisë sigurinë e fëmijëve në internet dhe t’u japë prindërve më shumë kontroll mbi përdorimin e teknologjisë nga fëmijët e tyre.

Qeveria britanike planifikon që projektligji të miratohet deri në fund të vitit, ndërsa zbatimi i tij pritet të nisë në pranverën e ardhshme.

Starmer gjithashtu u shpreh se masa nuk është kundër teknologjisë apo inovacionit, por për një përdorim më të sigurt të saj. Sipas tij, rreth 90% e prindërve mbështesin vendosjen e kufirit të moshës në 16 vjeç, sipas një sondazhi të qeverisë britanike mbi përdorimin e botës digjitale nga të rinjtë.

Top Channel