“O Bido si e katandis veten kështu?” Drejtuesja e Kuvendit i tërheq vërejtje Shehajt: Këtu s’ka as palaço as legena. Nëse njeh njeri për të tillë, shko dhe kërkoje në vend tjetër 11/06 13:58
Skema e ngjyrave
Madhësia e shkrimit
Pas fjalës së tij në Kuvend, kreu i PD dha një prononcim për gazetarët jashtë ambienteve të Parlamentit, ku sqaroi heqjen e non gratës nga SHBA.
Sali Berisha u shpreh se nuk ka qenë kurrë non grata, pot ka pasur vetëm një sanksion. Sakaq theksoi se ka pasur komunikim zyrtar me përfaqësues të SHBA për non gratën.
Berisha: U ktheva! Nuk kam qenë kurrë non-grata në SHBA, ka pasur vetëm një ndalim hyrje. Kam pasur komunikim zyrtar. Çdo shqiptari unë i thashë në parlamentin e Shqipërisë, u ktheva.
Pyetje: Zoti Berisha a mund të na thoni me kë keni komunikuar?
Sali Berisha: Përderisa jam këtu, unë kam pasur komunikim zyrtar. E gjitha çfarë mund t’u them: unë u ktheva.
Pyetje: Është vetëm për ju apo për të gjithë familjarët tuaj?
Berisha: Sali Berisha nuk ka qenë kurrë non-grata. Të jeni të sigurtë.
Pyetje: Ka qenë se kemi njoftimin e Blinkenit?
Berisha: Nëse do tani, po të them, Sali Berisha nuk ka qenë kurrë non-grata. Ka pasur një sanksion, vizën.
Pyetje: Pra, nga sot ju mund të lëvizni i lirë?
Berisha: Tani edhe njëherë, se ti nuk e ke gabim që pyet, sepse kundërshtarët e mi e quajtën non-grata dhe unë nuk është se e kundërshtova.
Pyetje: Ka qenë një sanksionim për ju dhe familjarët tuaj për minim demokracie dhe korrupsion…
Berisha: Edhe njëherë, ka qenë një ndalim hyrje për ato arsye që thua ti në SHBA.
Pyetje: Sot është hequr për ju dhe për familjen tuaj apo vetëm për ju?
Berisha: Sot unë them u ktheva. U ktheva!
Top Channel
