Argjentina është skuadra e radhës që ka publikuar listën e futbollistëve të grumbulluarve që do të shkojnë në Botëerorin e kësaj vere për të mbrojtur titullin e fituar përpara 4 vitesh në Katar.
Ashtu siç pritej Lionel Messi do të jetë pjesë e skuadrës Albiceleste për të marrë pjesën në botërorin e 6 dhe e fundit në karrierën e tij. Këtë radhë kapiteni shkon me misionin për të drejtuar skuadrën në mbrojtjen e titullit më prestigjioz.
Në listën e publikuar nga Lionel Scaloni bie në sy lënia jashtë e 9 futbollistëvë që triumfuan në Botërorin e 2022; Armani, Juan Foyth, Germán Pezzella, Marcos Acuña, Papu Gómez, Guido Rodríguez, Dybala, Di María dhe Correa. Po kështu trajneri i skuadrës kampione të botës la jashtë edhe 18 vjeçarin Franco Mastantuono për vetë faktin se ai nuk është aktivizuar shumë me Realin e Madridit.
Lista e futbollistëve të grumbulluar të Argjentinës
Portierë:Dibu Martínez (Aston Villa), Gerónimo Rulli (Olympique Marseille), Juan Musso (Atlético Madrid)
Mbrojtës: Cristian Romero (Tottenham), Otamendi (Benfica), Nahuel Molina (Atlético Madrid), Nicolás Tagliafico (Ajax), Gonzalo Montiel (River Plate), Leonardo Balerdi (Olympique Marseille), Lisandro Martínez (Manchester United), Facundo Medina (Olympique Marseille)
Mesfushorë: Enzo Fernández (Chelsea), Rodrigo de Paul (Inter Miami), Alexis Mac Allister (Liverpool), Leandro Paredes (Boca Jr), Exequiel Palacios (Bayer Leverkusen), Valentín Barco (Estrasburgo), Giovani Lo Celso (Real Betis).
Sulmues: Lionel Messi (Inter Miami), Julián Álvarez (Atlético Madrid), Lautaro Martínez (Inter), José Manuel López (Palmeiras), Nico González (Atlético Madrid), Thiago Almada (Atlético Madrid), Giuliano Simeone (Atlético Madrid), Nico Paz (Como).
Top Channel
