Ekspertët ngrenë alarmin/ Popullsia e Tokës mund të përgjysmohet deri në vitin 2064, shkak pandemitë, ndryshimet klimatike dhe… 26/05 14:01
Igli Tare është rikthyer mëngjesin e sotëm në selinë qendrore të Milanit në “Via Aldo Rossi”, ku ka përfunduar zyrtarisht largimin e tij nga klubi.
Ish-drejtori sportiv i kuqezinjve ka zbrazur zyrën e tij dhe është përshëndetur me punonjësit e klubit, duke mbyllur kështu një periudhë të shkurtër vetëm njëvjeçare në strukturat drejtuese të Milanit.
Sipas mediave italiane, Tare ka marrë me vete edhe një pikturë simbolike që përmbante një fanellë të “Rossonerëve”, si kujtim nga koha e tij në klub.
Largimi i tij vjen në një moment ndryshimesh të rëndësishme te Milani, ku pritet një riorganizim i plotë i strukturës drejtuese dhe teknike. Ndërkohë, pronari i Milanit, Gerry Cardinale, ka udhëtuar drejt New York-ut pas zhvillimeve të fundit në klub.
Burime pranë klubit bëjnë me dije se vendimet për drejtuesit e rinj dhe stafin teknik po diskutohen në koordinim me Zlatan Ibrahimovic dhe drejtues të tjerë aktualë të projektit kuqezi.
Top Channel
