Sezon “makthi” për Realin, por Mbappé s’ka rivalë, sulmuesi i mbyll gojën kritikëve me një trofe historik

Për të dytin sezon radhazi, ylli francez i Real Madridit ka fituar trofeun prestigjioz “Pichichi” si golashënuesi më i mirë i La Ligës.

Ndonëse ky edicion ishte më pak pjellor se ai i kaluari, Mbappé u tregua sërish vdekjeprurës para portës, duke e mbyllur sezonin 2025–2026 me 25 gola të shënuar në kampionat. Ky sukses pason vitin e tij të parë magjik në Spanjë (sezonin 2024–2025), ku ai shkatërroi mbrojtjet kundërshtare me plot 31 gola.

Me dy trofe radhazi në dy vitet e tij të para në Madrid, francezi konfirmon se mbetet makineria absolute e golave për “Los Blancos”.

Top Channel