“Festë në Sokak”, Gjirokastra ndez netët e verës me muzikë, traditë dhe polifoni

Ashtu si në edicionet e kaluara, sokakët e gurta u mbushën me vendas dhe turistë të huaj, të cilët u bënë pjesë e një mbrëmjeje ku tradita dhe argëtimi u bashkuan më së miri.

Rakia tradicionale, gatimet karakteristike të zonës, koncertet me grupet polifonike dhe muzika e lehtë krijuan një atmosferë elektrizuese në çdo cep të pazarit historik.

Nën tingujt e muzikës dhe mikpritjen gjirokastrite, “Festë në Sokak” vazhdon të mbetet një nga aktivitetet më të dashura që promovon kulturën, traditën dhe shpirtin e gjallë të Gjirokastrës.