Seancë e jashtëzakonshme plenare për zgjedhjen e presidentit në Kosovë/ Nis votimi, opozita mungon 27/04 21:39
Kryetarja e Kuvendit të Kosovës, Albulena Haxhiu, njoftoi se me kërkesë të deputetëve të Kuvendit të Kosovës do të mbahet një seancë për zgjedhjen e presidentit që do të nisë sonte në orën 20:30.
Haxhiu tha se LVV ka propozuar dy emra të rinj për president. “Në kuadër të kësaj kërkese janë propozuar dy kandidatura për president: Feride Rushiti dhe Hatixhe Hoxha”, shkroi ajo në rrjetet sociale.
Feride Rushiti është drejtuese e Qendrës për Rehabilitimin e të Mbijetuarve të Torturës, ndërsa Hatixhe Hoxha ka qenë kandidate për deputete e Lëvizjes Vetëvendosje.
Pasditen e së hënës, në sallën plenare ishin të pranishëm vetëm deputetët e shumicës parlamentare pasi partitë opozitare, Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës si dhe Lista Serbe bojkotuan këtë seancë.
Në seancë, dy kandidatët e LVV-së për president, Glauk Konjufca dhe Fatmire Mulhaxha Kollçaku tërhoqën zyrtarisht kandidaturat e tyre.
Kreu i LVV-së, njëherësh kryeministri Albin Kurti, tha se përgjegjësia për zgjedhjen e presidentit është e të gjithëve, e jo vetëm e partisë së tij.
Top Channel
