Një ngjarje e rëndë raportohet të ketë ndodhur dje pak para mesnatës në Elbasan, ku një motor me ka dalë nga rruga për shkak të shpejtësisë dhe ka humbur jetën një 45-vjeçar, drejtues i motomjetit.
Bashkëshortja pasagjere ka arritur të shpëtojë me dëmtime të lehta.
NJOFTIMI POLICISË – Elbasan, informacion paraprak. Rreth orës 23:20 të datës 25.04.2026, në aksin rrugor “Librazhd-Elbasan”, në fshatin Labinot, motomjeti me drejtues shtetasin A. K., 45 vjeç, ka dalë nga rruga.
Si pasojë e aksidentit, shtetasi A. K. ka humbur jetën në spital, ndërsa është dëmtuar lehtë shtetasja F. K. (bashkëshortja e tij), e cila udhëtonte në motomjet.
Grupi hetimor ndodhet në vendngjarje dhe po punon për zbardhjen e plotë të rrethanave dhe shkaqeve të aksidentit.
Top Channel
