Harry Kane po kalon sezonin më të jashtëzakonshëm të karrierës te Bayern Munich, duke shënuar 34 gola dhe 4 asistime në 30 paraqitje në të gjitha kompeticionet.
Kapiteni i Anglisë ka konsoliduar statusin e tij si një nga sulmuesit më të frikshëm të Europës dhe është lider në garën për “Këpucën e Artë” Europiane, i barabartë me Kylian Mbappé me 21 gola. Klubi bavarez ka nisur bisedimet për një zgjatje kontrate me 32-vjeçarin, e cila mund ta mbajë atë deri në 2028 ose 2029, ndërsa Kane ka shprehur gatishmërinë për të qëndruar, duke lënë pas çdo ide për një transferim tjetër.
Kontributi i tij ka qenë vendimtar, pasi Bayerni ka regjistruar vetëm dy humbje këtë sezon dhe udhëheq Bundesliga me tetë pikë avantazh. Drejtori sportiv i Bayernit, Max Eberl, konfirmoi: “Jemi në bisedime me Harryn”.
Sulmuesi nuk e ka fshehur dashurinë për Mynihun, ku fitoi trofeun e parë të karrierës së tij, duke e cilësuar transferimin si një nga vendimet më të mira të jetës. Me Kane në formë të tillë, Bayerni duket i vendosur të mbrojë dominimin e tij në Bundesligë dhe të synojë sukses në Europë, ndërkohë që sulmuesi anglez vazhdon të shkruajë historinë e tij të jashtëzakonshme.
Top Channel
