Real Madrid ka rinovuar kontratën e një prej talenteve më premtues të akademisë, Bryan Bugarín, deri në vitin 2028, duke vendosur një klauzolë largimi prej 75 milionë eurosh, sipas raportimeve të ‘Diario AS’.
Ky veprim pasqyron besimin e klubit në potencialin e sulmuesit të ri edhe pse vetëm 16 vjeç. Bugarín ka tërhequr vëmendjen e disa prej klubeve më të mëdha europiane, përfshirë PSG, Liverpool dhe Borussia Dortmund, por lojtari ka prioritet të ndërtojë karrierën e tij te Real Madrid.
Brenda klubit, rinovimi shihet si pjesë e një plani të menaxhuar me kujdes për zhvillimin e talenteve, duke e mbajtur Bryanin në ekipin Juvenil B, i cili konsiderohet ambienti ideal për rritje të qëndrueshme dhe adaptim gradual.
Si lojtari, ashtu edhe klubi, janë të përkushtuar ndaj një projekti afatgjatë, duke synuar integrimin e Bugarín në ekipin e parë në të ardhmen, ndërsa e ndjekin me durim rrugëtimin e tij në ‘Bernabeu’. Ky lëvizje tregon strategjinë e Real Madrid për të mbajtur dhe zhvilluar talentet e akademisë, duke i siguruar mundësi për karrierë të gjatë dhe duke parandaluar largimet e mundshme te rivalët europianë.
Top Channel
