Real Madridi do të paraqesë buxhetin më ambicioz në historinë e tij për sezonin 2025/26, me stadiumin e rinovuar Santiago Bernabeu që po del si motori kryesor financiar i klubit.
Reali i Madridit po përgatitet t’u paraqesë përfaqësuesve të tij të bordit një buxhet rekord për sezonin 2025/26, i cili arrin në 1.248 miliardë euro të ardhura të rregullta (duke përjashtuar transferimet). Ky është buxheti më ambicioz i paraqitur ndonjëherë në Asamblenë e Përgjithshme të një klubi, me rritjen, kryesisht për shkak të “Santiago Bernabeut”.
Parashikimi përfshin një rritje prej 63.5 milionë eurosh krahasuar me mbylljen e vitit financiar 2024/25 (+5%). Kjo rritje bazohet në dy shtylla: shfrytëzimin e “Santiago Bernabéu”-t dhe marrëveshjet e reja tregtare. Stadiumi tani po bëhet motori ekonomik i klubit, i aftë të gjenerojë të ardhura pavarësisht nga kalendari i garave.
Funksionimi i Bernabéut të rinovuar ka lënë gjurmë në shifrat financiare të mbyllura për sezonin 2024/25. Vetëm nga aktivitetet e reja të vendit (duke përjashtuar biletat tradicionale dhe vendet e ndeshjeve VIP), klubi mblodhi 79.1 milionë euro, që vijnë nga programi turistik Tour Bernabéu (52.6 milionë), koncertet dhe eventet (15.4 milionë) dhe gastronomia (10.3 milionë).
Për sezonin 2025/26, buxheti parashikon një rritje të mëtejshme të të ardhurave, falë aktivizimit të plotë të zonave të shërbimit të ushqimit, zhvillimit të zonave VIP dhe organizimit të eventeve ndërkombëtare. Klubi pret që të ardhurat nga “Anëtarët dhe Stadiumi” të rriten nga 326.8 milionë euro në 402.4 milionë euro (+75.6 milionë euro).
Top Channel
