Video/ Ministrja e re e Shëndetësisë në Suedi humb ndjenjat gjatë konferencës për shtyp, godet kokën në podium 09/09 18:39
Izraeli ka “pranuar” ofertën e fundit të Donald Trump për lirimin e pengjeve dhe një marrëveshje armëpushimi në Gaza, tha Ministri i Jashtëm Izraelit Gideon Saar gjatë një konference për shtyp në Kroaci.
“Lufta në Gaza mund të përfundojë nesër”, tha Saar.
“Ne jemi të gatshëm të pranojmë një marrëveshje që do t’i jepte fund kësaj lufte, bazuar në vendimin e kabinetit”, shtoi ai, duke theksuar se qeveria izraelite ka dy kërkesa për t’i dhënë fund luftës: lirimin e të gjithë pengjeve izraelite dhe dorëzimin e armëve nga Hamasi.
“Çarmatimi i Hamasit siguron një të ardhme më të mirë për popullin e Gazës dhe për palestinezët”, tha ai, duke e përshkruar organizatën si “një problem për vetë palestinezët dhe për rajonin”.
Deri më tani, SHBA-të dhe Izraeli nuk kanë dhënë detaje rreth përmbajtjes së propozimit. Megjithatë, sipas rrjedhjes së informacionit në shtyp, lirimi i menjëhershëm i të gjithë pengjeve të mbajtura në Gaza parashikohet në këmbim të lirimit të të burgosurve palestinezë, ndërsa Izraeli do të zotohet të mos rifillojë operacionet ushtarake.
Sipas informacioneve nga stacioni televiziv Channel 12, tërheqja e forcave izraelite nga Gaza do të jetë graduale dhe shumica që do të zhvillohet në fillim të armëpushimit. Negociatat do të zgjasin më pas deri në 60 ditë ose për aq kohë sa të jetë e nevojshme për të arritur një marrëveshje mbi çarmatimin e Hamasit, detajet e tërheqjes së Izraelit dhe formimin e një qeverie alternative për Gazën.
Ministri izraelit iu referua gjithashtu zhvillimeve në Liban, duke përshëndetur vendimin e qeverisë së Bejrutit për të çarmatosur Hezbollahun. Siç theksoi ai, ky është “një zhvillim shumë i rëndësishëm për të ardhmen e Libanit dhe të rajonit në tërësi”.
Në mbyllje, Saar vuri në dukje se “izraelitët dhe palestinezët kanë vuajtur mjaftueshëm” dhe theksoi se “për sa kohë që ekzistojnë regjimet terroriste dhe për sa kohë që Hamasi mbetet në pushtet, vuajtjet e të dyja palëve nuk do të mbarojnë”.
Top Channel
