E rëndë në Athinë, çifti i bashkëshortëve gjendet i vrarë brenda apartamentit. Trupi i gruas kishte filluar të dekompozohej 04/09 20:04
Conor McGregor u ka kërkuar mbështetësve të tij online të lobojnë te konsulentët, mbështetja e të cilëve mund t’i hapë rrugën atij për të kandiduar për president të Irlandës.
McGregor, i cili u dënua për përdhunim vitin e kaluar, pretendoi javën e kaluar se ai tashmë kishte “siguruar” mbështetjen e këshilltarëve, deputetëve dhe senatorëve, sipas irishtimes.com. Ish-kampioni i arteve marciale të përziera (MMA) postoi një video në llogaritë e tij në mediat sociale të enjten, e cila u filmua jashtë ndërtesave qeveritare në Dublin.
“Qytetarë të Irlandës, është koha për ndryshim të vërtetë! Si president, unë nuk do të nënshkruaj asnjë projektligj për t’u shndërruar në ligj para se t’i paraqitet fillimisht popullit! Nëse dëshironi ta shihni emrin tim në fletën e votimit për president, ju lutem kontaktoni këshilltarët e qarkut tuaj lokal sot dhe kërkojuni atyre të më nominojnë”, thotë ai në mbishkrimin e videos.
Guerre en Ukraine: “Si la Russie continue de refuser des discussions de paix concrètes, nous prendrons des sanctions”, prévient Emmanuel Macron pic.twitter.com/tRXN7w1LKq
— BFMTV (@BFMTV) September 4, 2025
“Kemi parë që mungesa e strehimit në Irlandë të rritet në nivele të papara, duke demonstruar refuzimin e kësaj qeverie për të përmbushur dhe respektuar deklaratën tonë se të gjithë fëmijët në Irlandë duhet të jenë të dashur. Në vend të kësaj, fëmijët tanë po braktisen”, tha ai.
“Ky dështim i brezave të ardhshëm është shoqëruar me një fluks masiv të imigracionit masiv në një sistem tashmë të prishur. Turizmi ynë ka rënë ndjeshëm, ndërsa rreziku në rrugët tona është rritur”, tha McGregor.
McGregor e përshkroi veten si një “mjeshtër i arteve marciale” dhe “një njeri që kërkon zgjidhje”. Ai i nxiti ndjekësit e tij të kontaktojnë këshilltarët vendorë në emër të tij.
“Nëse doni ta shihni emrin tim në fletën e votimit për presidencën, ju lutem kontaktoni këshilltarët e qarkut tuaj vendor sot dhe kërkojuni atyre të më nominojnë”, tha ai.
“Këshilltarët tanë janë shtylla kurrizore e komuniteteve tona. Ata punojnë më shumë dhe u japin më shumë njerëzve sesa ata në parlament që vazhdojnë ta zhgënjejnë këtë vend herë pas here”, tha ai.
“Nëse jeni këshilltar dhe ndiheni sikur zëri juaj po injorohet, duart tuaja janë të lidhura dhe komuniteti juaj po neglizhohet, atëherë ju kërkoj të qëndroni me mua. Më nominoni dhe unë do t’ju jap platformën dhe fuqinë për t’u dëgjuar vërtet”, shtoi ai.
“E kam mbuluar gjithçka. Kam këshilltarë, deputetë, senatorë. Madje kam edhe partinë më të respektuar nga të gjitha. Tani duhet të zgjedh përkatësinë time partiake”, u shpreh atleti.
Për të siguruar kandidaturën e tij, McGregor do të ketë nevojë për mbështetjen e katër autoriteteve lokale ose të 20 anëtarëve të parlamentit.
Emri i tij nuk është shfaqur ende në asnjë listë kandidatësh që kanë kontaktuar këshillat duke kërkuar mundësinë për të lobuar për mbështetjen e tyre.
Top Channel
