“Dorëzohet” Ukraina, nënshkruan marrëveshjen historike me SHBA, Sekretari i Thesarit i Trump: Ky, sinjal i qartë për Rusinë 01/05 00:51
Claudia Ughi nuk do duhet t’i paguajë mbi 200 mijë euro dëmshpërblim Massimiliano Allegrit, ish-partnerit të saj, i cili e kishte çuar në gjyq duke e akuzuar se kishte përdorur për interesat e saj një pjesë të parave të destinuara për djalin e tyre.
Vendimi është tashmë përfundimtar, edhe pse ish-trajneri i Juventusit, kishte bërë ankesë në Gjykatën e Kasacionit për kompensim dëmi, kërkesë që u refuzua dje.
Ngjarja u mbyll një vit më parë, duke konfirmuar vendimin e shkallës së parë, seksioni i tretë i Gjykatës së Apelit në Torino e shpalli të pafajshme gruan për akuzat e përvetësimit të padrejtë dhe keqpërdorimit të parave.
Allegri, pas një beteje në gjykatën civile, e kishte paditur, duke e akuzuar se kishte përdorur për interesat e saj një pjesë të parave të destinuara për djalin e tyre 14-vjeçar.
“Është fundi i një makthi, pas tetë vitesh të kaluara duke menaxhuar tensionet e krijuara nga pretendimet e ish-partnerit tim. Kam dashur dhe dua gjithmonë të mirën e fëmijëve të mi, gjithmonë kam qenë një nënë e mirë”, komentoi gruaja e Allegrit për La Stampa.
“Një vendim që duhet t’i kënaqë të gjithë. I pari që duhet të jetë i kënaqur është vetë babai, tani ka sigurinë se djali i tij nuk është lënë në kujdesin e një nëne të pandjeshme”, kishte deklaruar pas vendimit të parë të pafajësisë avokati Davide. Prokuroria, e shkallës së parë, kishte kërkuar një dënim prej 1 viti e 2 muajsh. Edhe zëvendës prokurori i përgjithshëm, ashtu si mbrojtja e Ughi, kishte kërkuar mospranimin e apelimit, dhe kështu ndodhi.
Top Channel
