“Aperitivo italiano”/ Grupi i muzikës Jazz&Soul performon në Gjirokastër
16/12 12:28
Abigeila Voshtina është liruar nga detyra e drejtoreshës së Teatrit të Kombëtar të Operas dhe Baletit.
Vendimi u mor sot në Këshillin e Ministrave, por arsyet e shkarkimit të Voshtinës nuk dihen.
Ajo mori këtë detyrë në vitin 2022, kur zëvendësoi në postin e drejtorit të TKOB Zana Çelën.
Vendimi i Këshillit të Ministrave:
LIRIMIN NGA DETYRA TË DREJTORIT TË PËRGJITHSHËM TË TEATRIT KOMBËTAR TË OPERËS, BALETIT DHE ANSAMBLIT POPULLOR
Në mbështetje të nenit 100 të Kushtetutës dhe të pikës 4, të nenit 9, të ligjit nr.10352, datë 18.11.2010, “Për artin dhe kulturën”, të ndryshuar, me propozimin e ministrit të Ekonomisë, Kulturës dhe Inovacionit, Këshilli i Ministrave
V E N D O S I:
1. Znj. Abigeila Voshtina, drejtor i Përgjithshëm i Teatrit Kombëtar të Operës, Baletit dhe Ansamblit Popullor, lirohet nga kjo detyrë.
2. Ngarkohet Ministria e Ekonomisë, Kulturës dhe Inovacionit për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
K R Y E M I N I S T R I
EDI RAMA
Në mungesë dhe me porosi
ZËVENDËSKRYEMINISTRI
BELINDA BALLUKU
Top Channel
