LAJM I FUNDIT! Burimet: Kryeministri izraelit miraton “në parim” marrëveshjen e armëpushimit me Hezbollahun 25/11 13:20
Një grua e zhdukur prej gjashtë ditësh në masivin Snowy Mountains në Australia është gjetur dje “e dobët dhe e plagosur” nga shërbimet emergjencës pas një operacioni të gjerë kërkimi.
Zyrtarët e rajonit juglindor australian New South Wales thanë se Lovisa Sjoberg u gjet mbrëmjen e të dielës me një plagë të ngjashme me kafshimin e gjarprit, e dehidratuar dhe me një kavilje të ndryshuar.
Fotografja e apasionuar ishte trajtuar në vend për plagët e saj para se të dërgohej në spital, ku tani raportohet në gjendje të stabilizuar.
48 vjeçarja Sjoberg, është vizitore e rregullt e parkut kombëtar Kosciuszko ku ajo shpesh dokumenton kuajt e egër që jetojnë në zonën malore.
Frika për sigurinë e saj u raportua nga kompania e makinave me qera që kërkonte autpmjetin e pakthyer teksa gruaja nuk mund të kontaktohej. Automjeti u gjet më vonë i hapur dhe i braktisur.
Policia kishte nisur operacionin prej 21 tetorit duke përdorur burime të shumta si qen nuhatës, zjarrfikës, efektivë dhe helikopterë me skanues në infra të kuqe.
Sjoberg u gjet dje nga zyrtarët e parkut, përfaqësuesi i të cilëve Toby Lindsay tha për mediat se Sjoberg kishte shëtitur prej ditësh “në ambjentin e ashpër natyral” ndërsa u tha zyrtarëve se besonte se ishte kafshuar nga një gjarpër “kokë-bakër” disa ditë më herët.
Speci nuk është agresive por helmi i tyre është një neurotoksinë e fortë dhe mund të jetë fatal nëse nuk trajtohet.
“Ajo është me fat që është gjallë… duket që ka kaluar një kohë të vështirë,” tha rreshteri, i cili shtonte se nuk dihen ende arsyet e largimit të rrezikshëm të gruas në botën e egër, e cila tani është gjithsesi e lumtur që është gjallë, shkruan rrjeti BBC.
Top Channel
