Hezbollahu sulmon Izraelin me 250 raketa dhe predha! 24/11 20:21
Dy tanke izraelite “shkatërruan” portën kryesore të Forcave të Përkohshme të Kombeve të Bashkuara në Liban (UNIFIL) në jug të vendit këtë mëngjes, thuhet në një deklaratë.
Trupat izraelite më pas “hynë me forcë në pozicion”, shton deklarata në Telegram, sipas BBC.
Izraeli ende nuk ka komentuar mbi akuzat, por kjo vjen vetëm disa orë pasi kryeministri Benjamin Netanyahu u kërkoi përsëri forcave të OKB-së të tërhiqen nga zona kufitare.
Rreth 10,000 paqeruajtës të OKB-së po shërbejnë në Liban.
Deklarata thotë se incidenti ka ndodhur herët në mëngjes në një pozicion të OKB-së në Ramiya. Rreth orës 04:30 me kohën lokale, ndërsa paqeruajtësit ishin në vendstrehim, dy tanke izraelite Merkava “shkatërruan portën kryesore të pozicionit dhe hynë me forcë” në objekt. Trupat izraelite më pas “kërkuan disa herë që baza të fikte dritat e saj”.
Deklarata thotë se tanket u larguan rreth 45 minuta më vonë pasi Unifil “protestoi përmes mekanizmit tonë të ndërlidhjes, duke thënë se prania e IDF po i vinte paqeruajtësit në rrezik”.
Përafërsisht në orën 06:40 me orën lokale, thotë Unifil, paqeruajtësit në të njëjtin pozicion raportuan të shtëna në 100 metra në veri, të cilat lëshonin tym.
“Pesëmbëdhjetë paqeruajtës pësuan acarim të lëkurës dhe reagime gastrointestinale, pasi tymi hyri në kamp.”
“Paqeruajtësit po marrin trajtim”, shtohet në deklaratë.
Top Channel
