Sulm me acid në një kafene gjermane, plagosen disa persona, mes tyre policë e zjarrfikës 30/06 22:59
Automjeti i kryeministrit hungarez Viktor Orban po shoqërohej nga policia vendase në rrugët e qytetit gjerman Stuttgart dy ditë më parë, kur një veturë e drejtuar nga një grua vendase që kishte humbur papritur kontrollin e mjetit dhe përplasi për vdekje policin shoqërues në motoçikletë dhe plagosi rëndë nje tjetër.
Incidenti i rëndë ndodhi teksa Orban po kthehej në aeroport pas ndjekjes së ndeshjes Hungari-Skoci në stadiumin Stuttgart Arena.
Gruaja 69 vjeçare që drejtonte mjetin BMW goditi me forcë motoçikleten e policisë teksa sipas autoriteteve vendase nuk kishte kuptuar që kryqëzimi ishte i mbyllur për trafikun.
Zyrtarët vendas thonë se ishte një aksident i thjeshtë trafiku, ndërsa mediat ruse e quanin një ‘atentat klasik’ që synonte eliminimin e kryeministrit hungarez. Ato e krahasonin ngjarjen me atentatin e më hershëm ndaj kryeministrit sllovak Robert Fico i cili u plagos rëndë i qëlluar me 4 plumba në bark, por fatmirësisht shpëtoi dhe u kthye në punë.
Në aksidentin e Stutgart, një oficer policie 61-vjcar u përplas nga goditja me një tjetër oficer 27 vjecar që kishte mbyllur kryqëzimin me automjetin e tij, shkruan rrjeti Daily Mail.
E përditshmja gjermane Bild tha se të dy oficerët u dërguan në spital por tragjikisht 61 vjeçari nuk i mbijetoi plagëve.
Sipas rrjetit britanik The Sun, kreu i policisë së Stuttgart, Markus Eisenbraun tha per ngjarjen: “Jemi të shokuar nga aksidenti që i ndodhi kolegëve tanë. Rrethanat tragjike të vdekjes së kolegut tonë kanë lënë pa fjalë dhe kanë tronditur forcën e policisë së Stuttgart”.
Top Channel
Sulm me acid në një kafene gjermane, plagosen disa persona, mes tyre policë e zjarrfikës 
