Zbardhet takimi i Rutte me Trump: Diskutuan sfidat e sigurisë globale me të cilat përballet aleanca 23/11 14:13
Akropoli, vendi turistik më i vizituar i Greqisë, u mbyll për publikun gjatë orëve më të nxehta të së mërkurës, pasi vala e të nxehtit të sezonit përfshiu vendin, duke shkaktuar mbyllje të shkollave dhe paralajmërime shëndetësore.
Ministria e Kulturës është shprehur se siti arkeologjik i listuar në UNESCO në Athinë do të qëndrojë i mbyllur në orët e pikut të vapës që pritet të arrijnë 43C edhe ditën e sotme.
Meteorologët kanë vënë në dukje se kjo është vala më e hershme e të nxehtit – e cila për Greqinë klasifikohet si temperatura që tejkalojnë 38 gradë Celsius për të paktën tre ditë – në historinë e regjistruar.
Ministria e krizës klimatike dhe mbrojtjes civile ka paralajmëruar për një rrezik shumë të lartë të zjarreve në rajonin e Atikës rreth Athinës.
Shkollat do të qëndrojnë të mbyllura në disa qarqe të vendit edhe për ditën e sotme, ndërsa ministria e punës ka këshilluar punonjësit e sektorit publik të punojnë nga shtëpia.
Top Channel
