![](https://top-channel.tv/wp-content/uploads/2024/09/0-2024-09-07T190138.257-800x450.jpg)
Një qendër masazhesh që përdorej për prostitucion është zbuluar dhe goditur në kryeqytet.
Si pasojë është shpallur në kërkim 19-vjeçari M. M., i cili, sipas policisë, e administronte qendrën e masazheve, që ndodhej në rrugën “Nikolla Jorgo”, një aktivitet i regjistruar ligjërisht, por që ushtrohej edhe aktiviteti i kundërligjshëm i prostitucionit.
Në pranga ka rënë menaxherja e qendrës, 26-vjeçarja M. K., dhe një punonjëse 19-vjeçarja A. B. Gjithashtu u proceduan në gjendje të lirë shtetaset R. S., 28 vjeçe dhe K. K., 19 vjeçe, punonjëse në qendrën e masazheve, dhe shtetasi D. O., 49 vjeç, banues në Tiranë;
“Specialistët e Seksionit për Hetimin e Trafiqeve të Paligjshme, nën drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë, në vijim të punës për goditjen e paligjshmërisë, pas një pune të mirëfilltë hetimore disamujore, organizuan dhe finalizuan operacionin policor të koduar “Fusion””, thuhet në njoftimin e policisë.
Materialet i kaluan Prokurorisë, për veprime të mëtejshme procedurale.
Top Channel