Emigrantët e “Gjadrit”, Meloni takim me ministrat: Kasacioni na dha neve të drejtë!
23/12 14:22
Një sportiste e bodybuilding është gjetur e lidhur dhe e vrarë me thikë në klinikën ku punonte si psikologe, pasi kishte rrëfyer ne rrjet për një ‘lidhje problematike’.
42 vjeçarja Fabiana Maia Veras, u gjet dje pa jetë në klinikën Assu, në Brazil, ku punonte.
Ajo u gjet e lidhur dhe me gojë të mbyllur, teksa kamerat e sigurisë kishin regjistruar një burrë të paidentifikuar që hynte në klinikë me maskë në fytyrë.
Fabiana shihet që flet me burrin në fjalë dhe e fton të hyjë brenda, ku gruaja kishte dhe një dhomë private banimi.
I dyshuari besohet se ka qëndruar brenda vetëm 15 minuta dhe më pas është larguar me makinë.
Policia tha se ai kishte marrë me vete celularin e Fabiana, në dukje për të fshehur gjurmët e krimit.
Ai u arrestua një ditë më vonë jashtë shtëpisë së tij në Natal – rreth 180 km larg skenës së krimit të rëndë.
I dyshuari besohet se është një punonjës civil 41-vjeçar që ka pasur lidhje të mëparshme me viktimën.
Kreu i policisë së Assú, Valério Kurten, tha se dyshja njiheshin pasi Fabiana tregonte besim te burri megjithë fytyrën e tij të mbuluar.
Ai komentonte pamjet e regjistruara: “Ajo e përqafon atë kur takohen, prandaj ata e njohin njëri-tjetrin”.
Motivi i krimit është ende i panjohur por Fabiana ka qenë e afërt me ish-të dashurën e të dyshuarit.
Psikologia e ndjerë njihej për fizikun e saj të stërvitur dhe postonte shpesh në rrjet foto të stërvitjes dhe këshilla për shëndetin mendor për rreth 5,000 ndjekësit e saj.
Në një postim në shtator ajo shkruante: “Ka shumë sinjale për një marrëdhënie toksike, si mungesa e mbështetjes së ndërsjelltë, e komunikimit, frika dhe ankthi i vazhdueshëm, kërcënimet apo kritikat e maskuara si komplimente. Nëse i dalloni këto duhet të vlerësoni atë që po ndodh”. /TheSun/
Top Channel
