Një ngjarje tronditëse ka ndodhur mbrëmjen e së premtes në Athinë, ku një 28-vjeçare është masakruar për vdekje me thikë jashtë komisariatit, nga ish-partneri i saj.
Sipas mediave greke ajo kishte shkuar për ta denoncuar, kur ai është shfaqur papritur dhe ka nisur që ta godasë me thikë. E reja është afruar deri në derën e komisariatit e gjakosur e më pas ka humbur jetën.
Ndërkohë autori pasi e ka goditur, ka goditur edhe veten. Ai është transportuar në spital dhe ndodhet nën kujdesin e mjekëve.
Media greke protothema.gr ka nxjerrë detaje të reja nga kjo gjendje e rëndë. Babai i 28-vjeçares Kyriaki ka treguar se çfarë ka përjetuar vajza e tij në duart e vrasësit 39-vjeçar në Agioi Anargyros.
Në informacionet e fundit thuhet se autori i vrasjes e ka abuzuar sistematikisht me të dhe e reja nga rrahjet që kanë marrë ka arritur të abortojë një fëmije.
Duke folur për protothema.gr , babai i viktimës tregon se rreth dy vite më parë, 28-vjeçarja kishte mbetur shtatzënë,
Më pas ajo i tregon të afërmve se e ka abortuar, por më pas prindërit dhe miqtë e kuptuan se ndërprerja e shtatzënisë nuk ishte zgjedhja e saj.
“Ajo ka mbetur shtatzënë rreth 2-3 vite më parë. Na kishte lajmëruar, kishim biseduar me të dhe supozohej se e donte. Por në fund ajo na tha se kishte pasur një abort. Nuk më tha se e goditi i dashuri. Ai vazhdoi ta godiste dhe të ushtronte dhunë ndaj saj dhe ne nuk e dinim. Pastaj kuptova se ai e kishte goditur dhe e kishte humbur fëmijën. Për të mos na treguar se çfarë kishte ndodhur, ajo na tha se kishte abortuar. Për të mos na mërzitur, ajo e mori përsipër”, raporton babai i viktimës për median greke.
Një imazh krejtësisht ndryshe ka prezantuar në rrjetet sociale 28-vjeçarja Kyriaki për marrëdhënien me vrasësin e saj 39-vjeçar, i cili e sulmoi me thikë dhe e vrau jashtë stacionit të policisë së Aghii Anargyri.
“Autori ishte një person manipulues që dinte të luante me emocionet e saj, të përfitonte prej saj, t’i bënte të vështirë jetën, ta godiste dhe në fund ta bënte të ndihej fajtore për veprimet e tij. Në maj të vitit 2019 ata u fejuan, ajo deklaroi se ishte e dashuruar me të, por asaj iu desh pak kohë për të kuptuar se ky përbindësh do ta çonte drejt vdekjes. Ne e dinim se ata kishin shpesh grindje të këqija dhe disi të Kyriaki do t’i harronte ose do të bënte sikur i harronte, do t’i fshehte mirë brenda dhe do të vazhdonte jetën e saj me të. Tani në fund gota u tejmbush dhe ajo ishte e vendosur ta largonte atë përgjithmonë nga jeta e saj sepse tani kishte frikë për jetën e saj. Ajo nuk na tha shumë, por pamë që situata kishte dalë jashtë kontrollit…”, thotë një mik i 28-vjeçares për protothema.gr .
Të njëjtin realitet të trishtë për 28-vjeçaren konfirmon edhe babai i Kyriakit i cili thotë: Fëmija im po kalonte një situatë të vështirë dhe po e përballonte vetë. Nuk më tha asgjë për të mos më trishtuar, grindej me të por ajo brenda saj fshihte shumë dhimbje, fatkeqësisht.
Top Channel
