Arsenali nuk ka të ndalur, teksa ka triumfuar 2-1 ndaj Brentfordit, duke regjistruar fitoren e tetë radhazi, e cila e ngjit në krye të renditjes në Premier League, të paktën për disa orë në pritej të supersfidës Liverpool-Manchester City.
Në “Emirates Stadium” vendasit dominuan ndjeshëm, por vuajtën jo pak për të marrë tri pikët, me golin e fitores që u shënua vetëm në minutat e fundit të takimit.
Ishte Declan Rice ai që zhbllokoi ndeshjen në minutën e 19’, ndërsa Brentford barazoi në shtesën e pjesës së parë me anë të Wissa. E kur dukej se gjithçka ishte mbërthyer në barazim, ishte gjermani Kai Havertz ai që shënoi golin e dytë për ‘topçinjtë’, duke i dhënë fitoren.
Me këtë triumf, Arsenali ngjitet në krye me 64 pikë, një më shumë se Liverpooli i vendit të dytë dhe dy më shumë se Manchester City, me këto dy të fundit që do të përballen në “Anfield Road” të dielën në orën 16:45.
Top Channel
