Izraeli luftë me disa fronte! E enjte tmerri, sulme të njëpasnjëshme në Gaza dhe Liban
14/11 22:57
Kryetari i Partisë Demokratike, Lulzim Basha gjatë një takimi me qytetarët në Dimal përsëriti propozimin e tij për lista të hapura në zgjedhje.
Ai theksoi se politikanët nuk duhet të jenë pjesë e një klubi të privilegjuar i cili është produkt i listave të mbyllura dhe të kontrolluara nga kryetarët e partive.
Kuptimi propozimit për listat e hapura, sipas Bashës është që qytetarët me votën e tyre të mos zgjedhin thjesht logon, por njeriun që do t’i përfaqësojë në Parlament.
“Le të mos jenë politikanët pjesë e një klubi të privilegjuar i cili është produkt i listave të mbyllura dhe të kontrolluara nga kryetarët e partive. Le t’ia kthejmë pas 16 vitesh dhe 4 palë zgjedhjesh njëra më keq se tjetra qytetarëve shqiptarë atë që u morëm me ndryshimet kushtetuese Berisha-Rama të vitit 2008, të drejtën për të zgjedhur drejtpërdrejtë që do t’i përfaqësojnë në Kuvendin e Shqipërisë. Ky është qëllimi dhe kuptimi i propozimit tonë për listat e hapura, në mënyrë që qytetarët e këtij vendi me votën e tyre të mos zgjedhin thjesht logon pas të cilës rreshtohen dhe pastaj i pari i kësaj logo të zgjedhi se kush do të hyjë në parlament. Por të zgjedhin realisht njeriun që do t’i përfaqësojë në parlament. Vettingu i politikanëve, listat e hapura, barazia e votës, votimi dhe numërimi elektronik, barazia e votës dhe vota për gjysmën e Shqipërisë jashtë Shqipërisë, janë një paketë e vetme e PD ku nuk ka asnjë rresht asnjë fjalë të mbrojmë interesat e ngushta partiake, por gjithçka është bërë me një synim madhor dhe kombëtar në mendje që është, të jemi në shërbim të qytetarëve dhe t’i kthejmë Shqipërisë një demokraci funksionuese, e t’i kthejmë një politikë me fytyrë njerëzore”, tha Basha.
Top Channel
