Analiza nga CNN: Katër vjet më vonë, Rusia ende po paguan për një gabim fatal në llogaritje në Ukrainë 21/02 19:37
Dy fëmijë me origjinë nga Rusia janë arrestuar sot në Spanjë si të dyshuar për vrasjen e nënës së tyre adoptuese, e cila ishte gjetur e lindur dhe e goditur me thikë në bagazhin e makinës.
48 vjeçarja Silvia López, u gjet e vdekur në Castro Urdiales, në veri të vendit, para se të Garda Civile spanjolle të arrestonte dy djemtë e saj.
Policia po e trajton ngjarjen si vrasje duke thënë se dyshojnë për dy fëmijët pas telefonatës së gjyshes së tyre një natë më parë.
Hetimet paraprake tregojnë se 16-vjeçari i paemëruar, kishte goditur nënën e tij në kokë dhe më pas dyshja ishin larguar duke pretenduar se ishin marrë peng për të gënjyer autoritetet.
Sipas ligjit në Spanjë, një 13-vjeçar nuk mund të marrë akuza penale dhe i dorëzohet shërbimeve sociale ku monitorohet nga psikologët dhe doktorët.
Policia ka punuar gjatë natës për zgjidhjen e misterit mes raportimeve për pengmarrje të të miturve dhe hetimeve për dhunë të mundshme shtëpiake.
Pas ngritjes së postblloqeve dhe kërkimeve të gjera, dy djemtë rrjedhimisht u gjetën në zonën kodrinore të Cotolino Park.
Fëmija më i madh po merret në pyetje nga prokurorët. Mosha e tij nuk është bërë publike por besohet se dhe ai është nën moshë.
Kryebashkiakja e Castro Urdiales, Susana Herran tha sot në mëngjes: “Jemi përfshirë nga një ndjenjë trishtimi për ngjarje të tmerrshme si kjo që po ndodhin”./DailyMail/
Top Channel
