Momente tmerri në një bar në Peru, këngëtari goditet nga rryma elektrike gjatë një performance 18/12 07:57
Vina del Mar, Kili, 3 shkurt 2024
Të paktën 46 njerëz raportohet se kanë humbur jetën teksa zjarre të përbindshme kanë përfshirë rajone qëndrore e jugore në Kili, ku nga më të prekurit është Valparaíso.
President Gabriel Boric ka paraljmëruar se numri i viktimave nga zjarret ka gjasa të rritet.
Dje ministrja e brendshme, Carolina Tohá, tha se ishin aktualisht 92 zjarre në pyjet e zonave qendrore e jugore të vendit, që ishin përfshirë nga një periudhë e pazakontë temperaturash të larta.
Ata shtonin se zjarret më shkatërrimtare ishin në rajonin Valparaíso, ku autoritetet nxisnin banorët “të mos dilnin nga shtëpitë” e tyre në mënyrë që zjarrfikëset e mjetet e emergjencës të kalonin më shpejt.
Nuk janë dhënë më shumë detaje për viktimat.
Ministrja shtonte se në zonat Quilpué e Villa Alemana ishin djegur 5000 hektarë pyje ndërsa kërcënohej rezorti bregdetar Viña del Mar.
“Kam 32 vjet që jetoj këtu dhe nuk e kisha imagjinuar që mund të ndodhte diçka e tillë”, tha vendasi Rolando Fernández, i cili tha se kishte parë për herë të parë zjarret pranë shtëpisë së tij të premten.
“Kisha punuar gjithë jetën, tani mbeta pa shtëpi”, shtonte ai për pasojat e katastrofës.
Disa streha për të prekurit ajnë ngritur në Valparaíso dhe rreth 19 helikopterë e shumë mjete zjarrfikëse po luftojnë kundër flakëve.
Zyrtarët kanë raportuar ndërprerje të energjisë elektrike prej zjarreve në Valparaíso, që kanë detyruar dhe zbrazjen e dy spitaleve, sipas zyrtarve. /TheGuardian/
Top Channel
