Ylli italian i TikTok, Khaby Lame, tashmë me sytë nga karriera në Hollywood (fotot)
20/09 18:49
Aktorja amerikane Margot Robbie gjatë një paneli diskutimi ka folur në lidhje me refuzimin për të konkurruar për çmimet Oscar.
Ylli i “Barbie” u shpreh se nuk ndihet aspak e mërzitur që nuk arriti të nominohej për çmimin “aktorja më e mirë”, por më shumë keqardhje ndjen për regjisoren Greta Gerwig, e cila gjithashtu humbi nominimin për kategorinë e “regjisorit më të mirë”.
“Natyrisht, mendoj se Greta duhet të nominohej si regjisorja më e mirë pasi ajo bëri një gjë që ndodh një herë në karrierë, një herë në jetë, dhe ky vit ka qenë një vit i jashtëzakonshëm për të gjithë filmat e saj. Ne vendosëm të bënim diçka që do të ndikonte në kulturën e njerëzve dhe bëmë shumë më tepër se sa kishim ëndërruar të bënim ndonjëherë”.
Robbie shtoi se është e lumtur pasi filmi i suksesshëm “Barbie” fitoi tetë nominime për Oscar, duke përfshirë kështu aktoren më të mirë dytësore, America Ferrera, e cila luan Gloria, dhe aktorin më të mirë dytësor, Ryan Gosling, i cili luan Kenin.
Greta Gerwig nuk u përfshi në kategorinë si “regjisorja më e mirë”, por u nominua së bashku me bashkëshortin e saj, Noah Baumbach për skenarin më të mirë të vitit.
Filmi “Barbie” ishte filmi më i shikuar i vitit 2023, duke grumbulluar rreth 1.5 miliardë dollarë globalisht që nga publikimi i tij në korrik. Rezultatet marramendëse të filmit e bënë Greta Gerwig, regjisoren e parë femër me një film miliarda dollarësh.
Top Channel
