Sport Të Fundit

Legjenda e “Djajve të Kuq”, shumë i ashpër: Man. United është kthyer në “varrezë futbollistësh”

31/10/2023 08:48

Gary Neville, legjendë e Manchester United, ka siguruar se klubi (humbi 0-3 derbin me City-n në “Old Traffort”) është shndërruar në “varrezë futbollistësh”.

Neville, i cili është i angazhuar si komentator në rrjetin “Sky Sports”, kritikoi ashpër strukturën e një klubi që nuk ka fituar Premier League prej një dekadë.

“Kur vjen një trajner i ri te Manchester United, ne fillojmë të mendojmë se ka ndonjë problem me të në një moment. Kur mendojmë për lojtarët që i kemi blerë për 50, 60 ose 70 milionë, kuptojmë që e kemi kthyer klubin në varrezë për ta.”

“Ka një kulturë toksiciteti dhe negativiteti rreth klubit që nuk largohet. Erik Ten Hag është një trajner fantastik, ne nuk mund ta vëmë në dyshim këtë. José Mourinho është një trajner i madh, nuk mund ta mohojmë as këtë. Pse nuk ia dalin në këtë klub? Kjo është pyetja”, ka shtuar ish-anësori i “Djajve të Kuq”. /Supersport

Top Channel