SPAK e dyshon për përfitime monetare të paligjshme, Artan Hoxha: Nuk kam marrë para nga Suel Çela, kam denoncuar… 26/11 23:00
Privatizimi i ish-Kompleksit Sportiv Partizani ndezi debate në studion e “Top Story” mes të ftuarve, përfshirë avokatin e ish-kryeministrit Sali Berisha, Genc Gjokutaj.
Duke folur për ndryshimin në ligjin për privatizimin e pronave të miratuar në kohën kur Berisha ishte kryeministër, analisti Arjan Curri tha se “të paktën Berisha mos ta votonte vetë, pasi ka rënë në konflikt interesi”, pasi një nga pronarët që do të përfitonte ishte dhëndri i tij, Jamarbër Malltezi.
Avokati i Berishës, Genc Gjokutaj argumentoi se ligji ishte për të gjithë pronarët.
Curri: Mos ta votonte vetë
Gjokutaj: Ore janë 64 pronarë, mos të merrnin pronat ata?
Gjokutaj: I bie ose mos të ishte kryeministër, ose mos të martonte fëmijët
Curri: E thotë ligji për konfliktin e interesit
Gjokutaj: Ore, ç’është kjo, jeni në terezi?
Ndërkohë, gazetari Alban Dudushi tha se me zvarritjen e procesit “po ndikoni në zgjatjen e burgut për dhëndrin e Berishës”.
Dudushi: Pse nuk e lini përrallën e SPAK të çmontohet. Pse kaq të axhituar?
Gjokutaj: Ka nisur të çmontohet
Gjokutaj: Unë jam këtu, më rrahën, ti thua mos u merr me këta
Dudushi: Kush të rrahu?
Dudushi: Ju po i zgjasni burgun Malltezin, sa më shumë ta zgjasni, aq më shumë rri ai aty
Gjokutaj: Të merresh me deputetin, pa shkuar te parlamenti…
Curri: Aty keni të drejtë!
Top Channel
