Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Qeveria franceze tha sot se ka caktuar 200 milionë euro për të blerë dhe shkatërruar verën e tepruar në tregje, dhe për të mbështetur prodhuesit.
Zyrtaret thonin se lëvizja vjen mes rënies së kërkesës pasi sipas tyre “njerëzit po pijnë më shumë birrë”, teksa mbiprodhimi dhe rritja e kostove të jetesës ka goditur industrinë.
Shumë nga €200 milionët do të përdoren për të blerë verën e mbetur stok dhe më pas për shndërrimin e alkooli të saj në përdorim të produkteve pastruese apo aromatike.
Ata shtonin se për arsye të mbiprodhimit, një pjesë e parave do të përdoren për të bindur prodhuesit të ndryshojnë profilin e punës si për shembull të kalojnë në rritjen e ullinjve.
Duke injektuar paratë në këtë industria zyrtarët thanë se kërkonin të ndalonin “rënien e mëtejshme të çmimeve të verës, në mënyrë që prodhuesit të gjejnë përsëri rrugën e fitimeve”, sipas ministrit të bujqësisë Marc Fesneau.
Fondi fillestar evropian për cështjen ishte €160 milionë që më pas u shtua nga qeveria në €200mln por gjithsesi qeveritarët thanë se “kjo industri duhet të shikojë përpara, drejt ndryshimit të konsumatorëve … dhe përshtatjes”.
Komisioni Evropian ka thënë se sivjet deri në qershor shifrat tregojnë së konsumi i verës në bllok ka rënë me 7% në Itali, 10% në Spanjë, 15% in Francë, 22% në Gjermani e 34% në Portugali, edhe pse prodhimi në BE është rritur me një mesatare totale prej 4%, që është dhe zona më e madhe prodhuese e verës në botë.
Top Channel
