Fillimisht kryeministri grek, Kyriakos Mitsotakis deshi t’i jepte një shtysë të re procesit të zgjerimit të BE.
Megjithatë, e gjithë vëmendja në takimin e Athinës për zgjerimin e BE në Ballkanin Perëndimor u kthye nga presidenti ukrainas Volodimir Zelensky, thotë DW. Fillimisht kryeministri grek, deshi t’i jepte një shtysë të re procesit të zgjerimit të BE, e për këtë arsye, i ftoi krerët rajonalë në një darkë në Athinë mes rastin e 20 vjetorit të të ashtuquajturit “Premtimi i Selanikut”.
Shqipëria, Maqedonia e Veriut, Serbia, Mali i Zi, Bosnja dhe Hercegovina dhe Kosova janë prej 20 vitesh në dhomën e pritjes së BE, thuhet në shkrim. Në qershor 2003 BE konfirmoi, se e mbështet pa rezerva orientimin evropian të shteteve të Ballkanit Perëndimor.
“E ardhmja e s tyre është në Bashkimin Europian”, u tha atëherë në deklaratën përfundimtare të samitit europian pranë qytetit grek të Selanikut, nga i cili deklarata mori edhe emrin. Në gusht 2023 gjashtë vendet e Ballkanit Perëndimor presin ende në korridor dhe vende si Greqia duket sikur përpiqet ta hapë derën e bllokut për ta, por me sukses shumë të limituar.
Darka e Athinës, që pretendohej të nxiste një lëvizje të re të situatës së ngrirë, në protagonist të takimit nuk ktheu asnjë lider ballkanik, por presidentin ukrainas Zelensky. Presidenti i Ukrainës udhëtoi për në Athinë në fshehtësitë e zakonshme, deri në minutën e fundit ishte e paqartë nëse do të vinte dhe përse. Për atë vetë, fokusi i vizitës nuk ishte vëllazërimi me kandidatët e tjerë, por tema të tjera më akute.
Pas takimit Zelensky vetë njoftoi se Mitsotakis i kishte ofruar të trajnonte pilotët ukrainas për avionët luftarakë F-16, duke qenë se forca ajrore greke përdor vetë kryesisht avionë të tillë. Ndihma ushtarake për Ukrainën nuk është shumë e mirëpritur në opinionin grek. Në fakt sipas sondazheve, edhe pse një shumicë e qartë është në favor të sanksioneve kundër Rusisë dhe për mbështetje financiare për Ukrainën, dërgesat e armëve i refuzojnë dy të tretat e të anketuarve.
Top Channel
