Kosovë ka hyrë në dy javët e fundit para një procesi zgjedhor, të tretin brenda një viti e gjysmë.
“Elementi i parë është që të kemi një rezultat tjetër, qoftë për pushtetin qoftë për opozitën. Pra duhet që njëra palë të rritet dukshëm”, tha Belgzim Kamberi.
Me ndryshimin e rezultatit, sipas njohësve, ofrohet mundësia që të negociohet për të gjitha pozitat shtetërore dhe kjo do të prodhonte një zgjidhje të ngërçit.
“Kësaj here do të negociohet për të gjitha institucionet. Megjithatë, kur negociohet për të gjitha institucionet, atëherë do të ketë më shumë hapësira për negociata, kompromise e konsensuse”, tha Belgzim Kamberi.
Megjithatë, nëse rezultati i zgjedhjeve të ardhshme do të ishte i ngjashëm me atë të 28 dhjetorit, njohësit paralajmërojnë bllokadë institucionale dhe zgjedhje të tjera.
“Për shembull, nëse Lëvizja Vetëvendosje do të binte në 49 deputetë dhe opozita nuk do të ishte e interesuar të ndajë pushtet me Lëvizja Vetëvendosje, por ta bëjë qeverinë vetë, atëherë gjasat do të ishin që Lëvizja Vetëvendosje do të bllokonte presidentin dhe ta çonte vendin në zgjedhje”, tha Belgzim Kamberi.
Partitë politike në Kosovë tashmë kanë nisur fushatën, edhe pse ajo zyrtarisht nis më 28 maj.
Lidhja Demokratike e Kosovës është i vetmi subjekt që garon me kandidaten për presidente, Vjosa Osmani, dhe Lumir Abdixhiku si kandidat për kryeministër.
Albin Kurti i Lëvizja Vetëvendosje synon edhe një mandat tjetër në krye të qeverisë, ndërsa Partia Demokratike e Kosovës garon me Bedri Hamza për kryeministër.
Aleanca për Ardhmërinë e Kosovës garon me Ardian Gjini, pas tërheqjes së Ramush Haradinaj nga posti i kryetarit të partisë.
Top Channel
