Një person i dënuar me 5 vjet burg për vepër penale në fushën e narkotikëve është arrestuar gjatë një operacioni policor mëngjesin e sotëm në Tiranë.
Nga të dhënat paraprake bëhet me dije se Shërbimet e Seksionit të Kërkimit kanë lokalizuar dhe kapur në rrugën “Thoma Koxhaj”, shtetasin në kërkim Rezart Myslymi, 36 vjeç, banues në Tiranë.
Ky shtetas ishte shpallur në kërkim pasi Gjykata e Lartë Tiranë e ka dënuar me 5 vjet burgim, për veprën penale “Prodhimi dhe shitja e narkotikëve”, për shkak se në vitin 2013, është kapur me sasi lënde narkotike të dyshuar kanabis, e ndarë në doza.
Materialet i kaluan Prokurorisë, për veprime të mëtejshme.
Top Channel
