Bashkia e Elbasanit ka intensifikuar aktivitetet artistike e kulturore në këto muaj të nxehtë verë për të krijuar një atmosferë festive në qytet duke dhuruar kohë cilësore për qytetarët dhe turistët.
Koncerte, panaire të kostumeve popullore, ekspozita me fotografi dhe piktura do të jenë disa nga surprizat e kësaj vere në Elbasan ndërkohë që agjendë më ngjeshur është përgatitur për fëmijët.
Aktivitetet do të vijojnë gjatë gjithë muajit Gusht ndërsa do të kulmojnë me festën e Byshekut, pika turistike më e afërt dhe traditë e kahershme e elbasanasve.
Prej disa vitesh tashmë, aktivitetet artistike intensifikohen gjatë verës për të shtuar gjallërinë në muajt e pushimit.
Top Channel
