Hëngri bananen 6.2 mln dollarë/ Fundi i “The Comedian”, manjati kinez e përlau veprën e artit pas blerjes rekord
29/11 20:39
Një nënë në Australi shkoi të merrte fëmijën e saj 10 muajsh në çerdhe, por u trondit kur e ka atë me 20 gërvishtje në fytyrë.
Nëna e cila kërkoi menjëherë shpjegim nga stafi, zbuloi se gërvishtjet në fytyrë ishin për shkak të një aksidenti. Gjatë ndërrimit të pelenës një fëmijë tjetër që ndodhej pranë tij, i ka gërvishtur fytyrën.
Prindërit e Noes ishin të tmerruar dhe të zemëruar kur panë djalin e tyre në atë gjendje.
“Kemi shpërthyer në lot. Nuk mund ta besonim që diçka kaq e tmerrshme do i ndodhte djalit tonë të vogël”, thanë ata për mediat.
Prindërit e çuan menjëherë djalin në spital dhe mjekët ngritën dyshimin se ai nuk mund të gërvishtej kaq shumë nga një fëmijë tjetër në çerdhe. Ata u kujdesën për djalin 10 muajsh dhe i thanë prindërve se plagët e tij do të shërohen së shpejti dhe nuk do të linin gjurmë. Babai i Noah dyshon se bëhet fjalë për dhunë.
“Burri im thotë se definitivisht nuk ishte aksident dhe ishte abuzim me fëmijë”, tha nëna.
Kopshti u ka kërkuar falje prindërve, por ata kërkojnë dëmshpërblim. Autoritetet po hetojnë incidentin për të përcaktuar nëse ishte vërtet një aksident apo është dhunuar.
Top Channel
