Lejuan ndërtime pa leje, pezullohen nga detyra tre inspektorë në Gramsh
09/06/2023 16:57
Vendosën tritol në banesën e një personi, arrestohet 27 vjeçari në Vorë, në kërkim bashkëpunëtori i tij 19/04 16:06
Tre inspektorë me detyrë ndihmës specialist të Policimit në Gramsh janë pezulluar nga Agjencia e Mbikëqyrjes Policore.
Hetimet ndaj tyre janë kryer nga AMP, nën drejtimin e Prokurorëve Pranë Prokurorisë së Gjykatës së Shkallës së Parë të Juridiksionit të Përgjithshëm Elbasan, pasi ata dyshohet se kanë shpërdoruar detyrën duke lejuar ndërtime pa leje.
Agjencia e Mbikëqyrjes Policore ka ekzekutuar urdhrin e Prokurorisë, e cila ka vendosur masën e sigurimit personal e karakterit ndalues “Pezullimi i ushtrimit të detyrës a shërbimi publik”, për punonjësit e policisë në Komisariatin e Policisë Gramsh:
Inspektor T. R., 56 vjeç, me detyrë Ndihmës Specialist i Policimit në Komunitet;
Inspektor R. M., 54 vjeç, me detyrë Ndihmës Specialist i Policimit në Komunitet;
Inspektor L. Z., 52 vjeç, me detyrë Ndihmës Specialist i Policimit në Komunitet.
Top Channel
