Spekulimet kanë qenë të shumta ditët e fundit, për një foto misterioze të realizuar nga roveri Mars Curiosity i NASA-s.
Imazhi, i marrë në ditën marsiane Sol 3786, i njohur si 1 Prilli në Tokë, dukej se tregonte një varg zgjatimesh me gjemba, duke çuar në një numër supozimesh, për origjinën e tyre.
Një fileto skumbri, një degë bredhi, skeleti i një krijese prehistorike dhe ‘shpina e një dragoi të fosilizuar marsian, të mbështjellë në vendin e fundit të prehjes’, ishin ndër disa nga sugjerimet, por ishte astrobiologia Nathalie Cabrol ajo që e identifikoi atë saktë.
“Në 20 vitet e studimit të Marsit, ky është shkëmbi më i çuditshëm që kam parë ndonjëherë”, tha ajo. “Mezi pres të kem një imazh mikroskopik të kësaj.”
Andreë Good i NASA-s tha: Shpjegimi më i thjeshtë për shumë foto të çuditshme të marra në Mars, si kjo, është se miliarda vjet më parë, kur uji rrodhi në Mars, një pjesë e atij uji depërtoi nëpër shkëmbinj, duke sjellë minerale më të forta. Këto minerale u vendosën në shkëmb dhe janë ekspozuar pas shumë vitesh rërë duke u ngritur nga era dhe duke u copëtuar në shkëmbin më të butë rreth tij. Është padyshim unik, por është gjithashtu padyshim një shkëmb.
Nuk është hera e parë që ChemCam i Curiosity ka bërë një foto që ngjall kuriozitet. Në shkurt 2022, ajo kapi një ‘lule’ marsiane – përsëri, e bërë në të kaluarën e lashtë, kur mineralet e bartura nga uji çimentuan shkëmbin.
Në vitin 2016, roveri zbuloi ‘Egg Rock’, një meteorit hekur-nikel me madhësinë e një topi golfi.
Që kur u ul në planetin e kuq më 5 gusht 2012, Curiosity ka bërë më shumë se një milion imazhe të Marsit. Qëllimi i misionit të tij ishte të zbulonte nëse planeti dikur kishte përbërësit për ekzistencën e jetës mikroskopike, dhe ka. Duke ecur lehtë rreth kraterit Gale, ai ka vërtetuar praninë e mëparshme të ujit dhe blloqeve kimike të ndërtimit të nevojshëm për jetën.
Edhe pse nuk ka dragonj në Mars, roverit i është dashur të përballet me terrenin e vështirë, me tehe thike që mund të dëmtojë rrotat e tij.
Top Channel
