Tripletë “në shkretëtirë”, Egnatia rrëmben Superkupën ndaj Kukësit në një stadium… bosh 26/12 20:57
Shoferi irlandez i garave, Craig Breen, ka vdekur në një aksident në një test për Rally Croatia, tha të enjten ekipi i tij Hyundai Motorsport.
Ekipi nuk dha shumë detaje rreth incidentit, por tha se kishte ndodhur pak pas mesditës me orën lokale të së enjtes.
“Hyundai Motorsport i dërgon ngushëllimet më të sinqerta familjes së Craig, miqve dhe fansave të tij të shumtë”, thuhet në një deklaratë , duke shtuar se bashkëdrejtuesi James Fulton mbeti i padëmtuar në aksident.
33-vjeçari kishte bërë 82 starte në Kampionatin Botëror të Rally (WRC), duke përfunduar i dyti në garën e tij të fundit në Rally Suedi në shkurt.
Breen, babai i të cilit Ray kishte qenë gjithashtu një shofer rally. Ai përjetoi shpejt suksesin, duke u kurorëzuar shoferi i ri i vitit në Irlandë në 2009, dhe më vonë duke u bërë i rregullt në qarkun e WRC. Pavarësisht se nuk fitoi një garë WRC, irlandezi fitoi gjashtë vendet e dyta.
“Komuniteti irlandez i motorsportit është i mpirë nga ky lajm tragjik. Craig ishte një shofer i klasit botëror dhe një person i klasit botëror,” tha presidenti i Motorsport Ireland Aiden Harper në një deklaratë.
Kampionati Botëror Rally tha në Twitter : “Familja e WRC është e tronditur dhe e pikëlluar kur mësoi për vdekjen e Craig Breen. Mendimet dhe ngushëllimet tona janë me familjen dhe miqtë e Craig në këtë kohë tepër të trishtuar.”
Mohammed Ben Sulayem, presidenti i organit drejtues të motorsportit FIA, bëri gjithashtu homazhe për Breen.
Top Channel
