Qytetari me motor përplaset nga makina në Bilisht, përfundon i dëmtuar në spital
31/03/2023 10:27
Efektivja e policisë përplas për vdekje një këmbësor në Kurbin 06/10 21:31
Një aksident ka ndodhur në qendër të qytetit Bilishtit, ku një makinë ka përplasur një qytetar që po udhëtonte me motor.
Sipas informacioneve drejtuesi i motorit u dërgua fillimisht në spitalin e Bilishtit, dhe më pas drejt spitalit të Korçës për mjekim.
“Më datë 31.03.2023, rreth orës 10:15, në qytetin e Bilishtit, një motomjet me drejtues shtetasin K. Z., rreth 26 vjeç, banues në Bilisht, është përplasur me një automjet me drejtues shtetasin E. Sh.
Për pasojë është dëmtuar drejtuesi i motomjetit K. Z., i cili u dërgua në spitalin e Korçës, ku ndodhet jashtë rrezikut për jetën. Me drejtuesin e automjetit shtetasin E. Sh., po kryhen veprimet e mëtejshme procedurale. Grupi hetimor po punon për sqarimin e rrethanave të aksidentit”, shkruhet në njoftimin e policisë.
Top Channel
