Beethoven: Testet në flokë provojnë problemet gjenetike të shëndetit të kompozitorit

Një ekip studiuesish të udhëhequr nga Universiteti i Kembrixhit analizuan pesë tufa flokësh për të renditur gjenomin e kompozitorit.

Megjithatë, ata nuk ishin në gjendje të përcaktonin një shkak përfundimtar të humbjes së dëgjimit të tij. Autori kryesor, Tristan Begg, tha se faktorët e rrezikut gjenetik, së bashku me konsumin e lartë të alkoolit të Beethoven, mund të kenë kontribuar në sëmundjen e mëlçisë.

Ekipi ndërkombëtar analizoi fijet nga tetë tufa flokësh të mbajtura në koleksione publike dhe private, në një përpjekje për të hedhur dritë mbi problemet shëndetësore të Beethoven.

Ludwig van Beethoven lindi në Bon, Gjermani, në vitin 1770 dhe vdiq në moshën 56 vjeçare në Vjenë, në vitin 1827.

Kompozitori dhe pianisti i jashtëzakonshëm pësoi humbje progresive të dëgjimit dhe e bëri atë të shurdhër funksionalisht në 1818.

Sipas Begg, Beethoven konsumonte rregullisht alkool. Shumica e bashkëkohësve të tij kanë treguar se konsumi i alkoolit nga Beethoven ishte i moderuar sipas standardeve vjeneze të fillimit të shekullit të 19-të. Po kjo ka të ngjarë që të jetë erdhe shkaku i dëmtimit të mëlçisë së tij.

“Nëse konsumimi i tij i alkoolit ishte mjaft i madh për një periudhë mjaft të gjatë kohore, ndërveprimi me faktorët e tij gjenetik të rrezikut paraqet një shpjegim të mundshëm për cirrozën e tij”, ka thënë Begg.

Ekipi tha, bazuar në të dhënat gjenomike, se problemet gastrointestinale të Beethoven nuk ishin shkaktuar nga sëmundja celiac ose intoleranca ndaj laktozës.

Johannes Krause, nga Instituti Max Planck i Antropologjisë Evolucionare në Gjermani, tha: Nuk mund të themi me siguri se çfarë e vrau Beethoven, por tani të paktën mund të konfirmojmë praninë e një rreziku të rëndësishëm trashëgues dhe virusin e hepatitit B. Ne gjithashtu mund të eliminojmë disa shkaqe të tjera gjenetike më pak të besueshme.

Dr Axel Schmidt, i Institutit të Gjenetikës Njerëzore në Spitalin Universitar të Bonit, tha: Megjithëse nuk mund të identifikohej një bazë e qartë gjenetike për humbjen e dëgjimit të Beethoven, shkencëtarët paralajmërojnë se një skenar i tillë nuk mund të përjashtohet rreptësishtë.

Top Channel