Man. United sërish pazar tek Interi, gati 60 mln Euro për 25-vjeçarin 25/04 08:41
Pas triumfit në mesjavë në Champions League ndaj Dortmund, Chelsea koleksionoi edhe të dytën fitore radhazi në Premier League.
“Blutë e Londrës” triumfuan në transfertë ndaj Leicester me shifrat 1-3 teksa pas sfidës trajneri Graham Potter theksoi se ishte një ndeshje e vështirë ndërsa shtoi se mentaliteti i skuadrës ka nisur të përmirësohet.
“Ishte një nga ato ndeshje ku edhe tifozeria vendase ta vështirëson shumë punën. Megjithatë, jam i lumtur nga lojtarët sepse e menaxhuan më së miri situatën. Nuk ishte një ndeshje e lehtë pavarësisht rezultatit, Leicester pati shanse. Vuajtëm paksa, por me kalimin e minutave e morëm veten dhe ishim të vendosur mirë në fushë. Duhet të vazhdojmë me këto paraqitje, në mbrojtje po tregohemi solidë.
Kemi pësuar pak dhe mentaliteti është duke u përmirësuar gjithnjë e më shumë. Tre fitore në tre ndeshjet e fundit (përfshirë edhe Champions) është një ndjesi e mirë, sidomos kur bëhet fjalë për nivele të tilla. Dua edhe një fitore tjetër para se të vijë pauza prej kombëtareve.
Do të luajmë për tre pikët edhe ndaj Everton. Enzo Fernandez? Është i shkëlqyer, jam i bindur se do të rritet edhe më shumë pasi sapo është transferuar në një ambient që është i ri për të. Në fushë Fernandez sheh gjithçka, ka shumë vizion”, u shpreh Potter./Super Sport
Top Channel
