Gjysmëfinalet e Europa League/ Leverkusen “gjunjëzon” romakët në “Olimpico”, Atalanta barazon në Francë 02/05 22:55
Një gjykatë indoneziane ka dënuar me burgim dy nga ata që konsiderohen përgjegjës për organizimin e një ndeshjeje futbolli tetorin e vitit të kaluar, ku humbën jetën 135 persona.
Të dy u shpallën fajtorë për pakujdesi. Tragjedia ndodhi në tetor 2022, kur tensioni në tribuna gjatë ndeshjes Arema-Persebaya u zhvendos në fushë dhe policia ndërhyri duke përdorur gaz lotsjellës.
Filloi paniku dhe mijëra njerëz u përpoqën të arratiseshin nga dyert e rrethimit, por disa prej tyre u shtypën. Shumë vdiqën nga mbytja.
Njëri nga organizatorët, Abdul Haris, u shpall fajtor për pakujdesi dhe u dënua me një vit e gjysmë burg (Prokuroria Publike kërkoi 6 vjet); Suko Sutrisno, një nga rojet e sigurisë në stadium, u shpall gjithashtu fajtor për neglizhencë dhe u dënua me një vit burg.
Më vonë do të dënohen edhe tre policë të tjerë, të cilët u gjykuan për dhunë.
Top Channel
