Shefi i Zoom, Greg Tomb pushohet nga puna ‘pa arsye’

Biznesmeni kishte marrë rolin në qershor 2022 dhe kishte qenë aktiv në fitimet dhe mbikëqyrjen e shitjeve të kompanisë, dhe për këtë arsye është e paqartë arsyeja.

Tomb raportoi drejtpërdrejt te shefi ekzekutiv Eric Yuan, i cili filloi Zoom në 2011 dhe ishte në krye pasi kompania u bë një nga fituesit më të mëdhenj të pandemisë.

Zoom u bë një emër i njohur pasi njerëzit kishin nevojë të qëndronin në shtëpi dhe koha para ekranit u rrit. Kishte dasma dhe funerale të Zoom, dhe deri në prill 2020 kompania tha se 300 milionë pjesëmarrës çdo ditë ishin në thirrjet Zoom.

Në kohën e emërimit të  Tomb, Yuan tha se ishte i emocionuar për forcën që po i shtonte ekipit drejtues: “Greg është një udhëheqës shumë i respektuar i industrisë së teknologjisë dhe ka përvojë të thellë në ndihmën për të shkallëzuar kompanitë në momente kritike.”

Pavarësisht se Zoom trefishoi numrin e personelit në dy vjet gjatë pandemisë, në shkurt kompania shkurtoi 15% të stafit të saj – 1,300 njerëz.

Ndërsa kompanitë kërkojnë të ulin kostot përballë një rënieje ekonomike, Zoom mund të lihet pas në favor të shërbimeve rivale si Google Meet, Microsoft Teams dhe Slack.

Zoom po përpiqet të diversifikohet. Vitin e kaluar,  njoftoi planet për të integruar veçoritë e emailit dhe kalendarit dhe një chatbot për të ndihmuar përdoruesit në zgjidhjen e problemeve.