SHBA, sanksione në Serbi e Mal të Zi/ Penalizohen disa kompani që mbështetën Rusinë në luftën me Ukrainën
31/10 22:59
Të paktën 650 vajza janë helmuar nga gazi toksik në Iran që nga nëntori, në atë që shumë besojnë se është një përpjekje e qëllimshme për të detyruar shkollat e tyre të mbyllen.
Asnjë vajzë nuk ka vdekur, por dhjetëra kanë pësuar probleme me frymëmarrjen, të përziera, marramendje dhe lodhje.
“U bë e qartë se disa njerëz donin që të gjitha shkollat, veçanërisht shkollat e vajzave, të mbylleshin”, tha të dielën zëvendësministri i Shëndetësisë. Megjithatë, ai më vonë tha se komentet e tij ishin keqkuptuar.
Prokurori i Përgjithshëm njoftoi javën e kaluar se po niste një hetim penal.
Ndërkohë, zhgënjimi publik po vazhdon të rritet. Helmimi i parë ndodhi më 30 nëntor, kur 18 nxënës nga Shkolla Teknike Nour në qytetin fetar të Qom u dërguan në spital. Që atëherë, më shumë se 10 shkolla për vajza janë vënë në shënjestër në krahinën përreth.
Të paktën 194 vajza raportohet se janë helmuar gjatë javës së kaluar në katër shkolla në qytetin e Borujerdit, në provincën perëndimore të Lorestanit. Ato kanë raportuar erën e mandarinës apo peshkut të kalbur përpara se të sëmuren.
Në fillim të këtij muaji, të paktën 100 njerëz protestuan jashtë zyrës së guvernatorit në Qom.
“Kjo është një luftë!” deklaroi një grua. Disa prindër kanë thënë se fëmijët e tyre ishin të sëmurë për javë të tëra pas helmimit.
Në një konferencë për shtyp të dielën, zëvendësministri i Shëndetësisë, Younes Panahi tha se vajzat ishin helmuar nga kimikate që nuk janë të shkallës ushtarake dhe janë të disponueshme për publikun.
Top Channel
