Fermerët shqiptarë sot kanë një problem, pasi në raste fatkeqësish natyrore nuk marrin dot dëmshpërblim.
Kjo vjen si rrjedhojë e ligjit të miratuar në 2019. Ligji u jep të drejtë fermerëve të marrin 8% dëmshpërblim nga fondet e pushtetit vendor, por nuk zaptohet sepse nuk janë miratuar aktet nënligjore.
Aktet nënligjore që janë në fuqi janë për ligjin e 2012 ,i cili është shfuqizuar.
Fiksi ishte në fshatin Hysgjokaj të Bashkisë Lushnje, ku para disa ditësh ra një breshër i madh dhe më të dëmtuarit janë dy fermerë që u janë çarë plastmaset e serave duke ju prishur pothuajse të gjithë bimët e mbjella. Sipas tyre askush nuk ishte interesuar për dëmet që kishin pësuar madje njëri prej fermerëve ishte kërcënuar kur ishte ankuar me heqje nga puna.
Fiksi iu drejtua Eduart Sharkajt, ish-kreu i Sindikatave së Fermerëve në Shqipëri. Në kuadër të aderimit në Bashkimin Evropian, dhe ligjin për emergjencat civile neni 41, parashikon që per problemet të shkaktuara nga fatkeqësitë natyrore, qytetarët shqiptarë dëmshpërblehen nga pushteti vendor, deri në 8% te buxhetit vendor. Në rast se dëmi e kalon këtë shumë të 8%, i drejtohen buxhetit të shtetit ose Drejtorisë së Përgjithshme te Emergjencave Civile. “Te ne nuk ka ndodhur akoma, sepse edhe pse ligji është miratuar në 2019 nuk kanë dalë asnjë VKM për të implementuar ligjin, dhe Drejtoria Përgjithshme e Emergjencave Civile, dhe pushteti vendor në tërësi, i referohen vendimeve të Kryeministrisë të 2012 të cilat janë në zbatim të ligjit të vjetër i cili është shfuqizuar. Kështu që në të tilla raste duhet të shpallet gjendja e jashtëzakonshëm që të vlerësohen dhe të kompensohen dëmet” shprehet Sharkaj. Ky është një nga faktorët që po dëmton bujqësinë dhe fermerët sepse ekonomia fermerit është shumë vulenerabël. Prandaj vendet e rajonit nuk i lejojnë fermerët që të mbajnë pasojat e dëmit por i kompenson.
Ai sjell edhe shëmbullin ku Ministria e Bujqësisë e njeh këtë ligj edhe dhe i ka dërguar një shkresë fermerëve të Kafarjat kur u përmbytën në serat e luleshtrydheve dhe i thotë se ju dëmshpërblen pushteti vendor, dhe citojnë dhe nenin 41 të ligjit, duke ia lënë topin Bashkisë Fier. Ndërsa Bashkia e Fierit i dërgon shkresë për interpretim Drejtorisë së Emergjencave Civile, duke e kthyer këtë në Gjykatë Kushtetuese.
Drejtoria e Emergjencave Civile thotë se VKM-ja nuk i lejon dhe se duhet të shpallet Gjendja e Jashtëzakonshme që të dëmshpërblehen fermerët. “Kjo është një ping-pog për të shmangur dhe për të mos dhënë paratë dhe ky është një dëm shumë i madhe që i bëhej bujqësie dhe fermerëve dhe i shkëput ata nga bujqësia”, përfundon ish-kreu i sindikatës.
Top Channel
